\天水圍的天水圍/含內容...未睇此片既唔好睇依篇野 
連續兩晚一口氣睇左<<天水圍的日與夜與霧>> 兩套同一導演講述對天水圍既兩面極端既睇法 首先<<日與夜>>平淡手法帶出被外界稱為悲情城市既天水圍既光明一面 <<日與夜>>雖然劇情平鋪真.....但內容寫實..... 我自己睇既時候都覺得此片帶出屋村既街坊感覺 不過<<日與夜>>最令我感到認同既....係佢用左依個角度描寫天水圍 其實....近年天水圍因為多次倫常慘劇事件加上傳媒大肆報導 好多人都標籤左天水圍係一個"悲情城市" 我當時都有諗過.....可能天水圍真係有好多人好慘好窮....但我總唔相信全區人都係咁啊嘛 悲情城市....依四個字好似講到依個地方既人全部都好慘好無希望咁 我相信如果我係住係天水圍......我一定對"悲情城市"依四個字勁反感 我覺得凡事都無絕對.....天水圍總唔係外界講到咁慘情 <<日與夜>>就完全道出左依個諗法 其實總有很多有人情味既事同人......無論在天水圍或任何地方都一定有 我諗無人有資格標籤任何地方做"悲情城市"... .. 至於<<夜與霧>>.......就係另一個極端 主要係以早幾年前發生係天水圍既一宗倫常慘劇為背景 睇完此片帶比我既第一感覺係一種無奈...... 片中議員,社工,甚至警察收到張靜初多番既求助....但到最後都幫唔到手 其中令我感到矛盾無奈係一場講張靜初搵警察既時候.... 片中警員反應冷淡...唔肯跟張靜初搵任達華...... 雖然有人可能覺得警方在此事件處理上欠缺危機感.... 我都覺得警方的確責無旁貸.... 不過諗深一層.....可能每日都唔知有幾多師奶就係咁同老公鬧幾句又報案..加上張靜初老公又人前表現正常... 警察一時間可能唔能夠確認對方係唔係真正需要警方既協助 如果警方係唔係都受理......一旦對方既case根本無關痛癢....豈不是浪費警力?? 依個係制度上既無奈.... 重有一樣野睇果時覺得好奇怪就係好似每個人既危機感都好低咁 好似張靜初成日都比佢老公TUM到返屋企打佢....甚至明知會比佢殺都跟佢返去 但諗深一層.....其實都唔係既.... 如果我係果個女人....又真係點都唔會覺得老公會殺自己同個女 同埋套戲真係交持得好好.....表達到其實本身佢地都有好好既感情 根本無人會覺得自己最親既人會殺死自己同家人...... 依種矛盾此片好成功咁交待得好好 不得不提任達華響依套戲既演出實在一絕 演活左果個麻甩佬既自卑同變態 睇既時候都有點同情依個殺人狂 趨除佢搞佢姨仔之外.....其實佢都幾可憐 因為前妻既事導致極度自卑加心理唔平衡 成日驚老婆走佬...就搞成咁 總括.....天水圍系列絕對值得睇 不過....要睇<<夜與霧>>先睇<<日與夜>> 雖然兩套戲無直接關聯..... 不過如果唔睇哂兩套既話 絕對感受唔到果度強烈對比下既震撼同導演既功力..... 如果睇完<<日與夜>>覺得套戲好平淡好悶既話 都請睇埋<<夜與霧>> 睇完可能會影響你對<<日與夜>>既評價 好神奇 今晚睇埋<<圍城>>先 | 
